یا ضامن آهو

ای شه مولک  خراسان

جان سنه قوربان

یوخ داها منه بوگون غم

ذکر یا رضا رضا دور هر دم

یا ضامن آهو

ای دینیمه آبرو

تشنه یم وئر بیر ایچیم سو

ای علی اوغلو رضا

بی نوایم دیلی باغلی سن بیزه ایله دعا

بیز دیک سنله آمین آی آقا

من اوشاق اولان زامانی

ایتیرمیشدیم اوز آتامی

 آنانمدان آلدیم نشانی

کی گلم سنی تاپام من

چکه سن باشیمه ال سن

خسته یم جان اوسته یورغون

اولموشام اورکدن ورغون

ای رئوف امام معصوم

ای غریب شهید مظلوم

اولموشام عشقینده مجنون

زئرین اولماق اوچون

اوجا داغلار آهوسیندان نشانیوی آلمیشام من

غریب ائللر ایچینده تک قالمیشام من

داده گل بیر کسیم یوخدو

 سن ایله دانیشماقا سوزلریم چوخدو

آنام ائتمیش سنه عاشیق منی ای فاطمه اوغلو

اورگیم چیرپینیر ائتمیش چوخ هیاهو

عاشیقم من سن ای مظهر ایمان

 قبریوی اوپبق اوچون ایسته گلیم حافظ قران

بو زماندا

یانیرام غملی دوماندا

سن غریب لر آقاسی جان سنه قوربان

کیمسه زووارین اولا قبرینه نورسان

کیم دییر کی غریبه کیمسه اولا

 وئرمییجک لر سسینه  سس

سنین عشقینده گلیر سینه ده کئتمیش بو نفس

کیمسه هر نه دین ده اولسا

سن اوچون زولفونو یولسا

اورگی غمیله دولسا

گراورکدن یاپسشا پنجره دن

ذکر ائده اوو یارالی حنجره دن

یتیررسن دادینا سن

نه بئلیدیم بو بهانه نی من

یئرمی ایل گورم سنی من هر دن

شال آتام بایرام گئجه سی

شالیما پای باغلیاسان

ایندیده هرلحظه سنسیز دویونور هی نفسیم

"طالیبم" سن منیم عشقیم هوسیم

بیر ایتیک تک آختاریرام  سنی هر دم

شیعیه  یوخ داها هئچ غم

یا ضامن آهو

اورگیم چیرپینیر ائتمیش چوخ هیاهو

عفو ائت بو خطاکار بینوانی

 بینوالرین گمانی