ای کونول

صبیـــــــریمی آلدی الــیمدن درد هـــــــجران ای کونول 

کیمسه یوخدور ایلــــــسین بــــو درده درمان ای کونول 

نئجه ایلدیر ایستــــیرم گلسین گــــورم دلـــــــداریـــــمی 

یوللارا باخماقدان اولــــــــــموش دیده گریان ای کونول 

تیکمیشم گوز یوللارا مـن بیر اومیـــــده باغــــلیــــــیام 

عیبی یوخ بیر گون گلر ایلقـــــار و ایمـــــان ای کونول 

وارسا عمروم حسنو یاردا آغلاسا قـــان گــــوزلـــریــم 

رسمیدور عاشیق اولا معشـــــــــــــوقا نالان ای کونول 

قئلـــمـیـیـب دونــــــیا وفـــــــا بونندان سورا قئلماز وفا 

هر گئجه گوندوز بو باغریم اولموش آل قان ای کونول 

گل وفا اهلی ،دوشــــوب ایــــــشدن بــــو افکاریم منیم 

دردین آخــــــــــــیردا منــــی سالدی ایاقدان ای کونول 

هـــــــارداسان گل یــــوسف زهـرا(ع) داها یوخ طاقتیم 

موفلوس اوغلو" طالیب "م دونیاده کاروان ای کونول